ulan...

mahal ko ang ulan...

dahil ba sa tulang ito, ang ibig sabihin ng pagmamahal ko ay pamamaalam?

*Palaging May Ulan ang Pamamaalam

Sir Mike Coroza

Palaging may ulan ang pamamaalam

Kaya binabaha ng lungkot ang lungsod

Ng PANANDALIANG pagsasama’t lugod.

Huwag kang lilingon at baka malusaw

Ng asin ang mithing pagbabagong-loob.

Palaging may ulan ang pamamaalam

Kaya binabaha ng lungkot ang lungsod.

Bangkay na lulutang ang panghihinayang

Ngayong nalunod na ang lahat ng pusok

At kuyom sa dibdib ang basang alabok.

Palaging may ulan ang pamamaalam

Kaya binabaha ng lungkot ang lungsod

Ng PANANDALIANG pagsasama’t lugod.